Памятка для бацькоў "Бязвыхадных сітуацый не бывае"

Дата: 24 сентября 2021 в 20:18

Автор: Каспаревич А. З.

96 просмотров

Памятка для бацькоў "Бязвыхадных сітуацый не бывае"
Цяжкія жыццёвыя сітуацыі бываюць у жыцці кожнага з нас. Для падлетка, у сілу ўзроставых асаблівасцяў, цяжкай можа стаць любая сітуацыя, якую асабіста ён перажывае як невырашальную. Таму бацькам важна быць уважлівымі і своечасова ўбачыць прыкметы эмацыянальнага недабрабыту свайго дзіцяці.
Адкрыта абмяркоўвайце сямейныя і ўнутраныя праблемы дзяцей.
Дапамагайце сваім дзецям ставіць рэальныя мэты ў жыцці і імкнуцца да іх.
Абавязкова садзейнічайце ў пераадоленні перашкод.
Любыя станоўчыя пачынанні маладых людзей адабрайце словам і справай.
Ні пры якіх абставінах не ўжывайце фізічныя пакаранні.
Больш любіце сваіх падрастаючых дзяцей, будзьце ўважлівымі і, што асабліва важна, далікатнымі з імі. Ад клапатлівага чалавека, які знаходзіцца побач у цяжкую хвіліну, залежыць многае. Гэта можа выратаваць вашаму дзіцяці жыццё.
Самае галоўнае, трэба навучыцца прымаць сваіх дзяцей такімі, якія яны ёсць. Бо гэта мы, бацькі, фарміруючы адносіны, дапамагаючы дзіцяці ў яго развіцці, атрымліваем вынік уздзеяння, вынік сваёй працы. "Што пасееш, тое і пажнеш!" - гаворыць народная мудрасць. Прыняцце чалавека такім, якім ён з'яўляецца, прыняцце яго сутнасці і сутнасці яго існавання на зямлі - і ёсць любоў у праўдзівай яе праяве. Таму савет бацькам просты і даступны: "Любіце сваіх дзяцей, будзьце шчырымі і сумленнымі ў сваім стаўленні да сваіх дзяцей і да саміх сябе".
Прычыны праявы неабдуманных учынкаў у дзяцей
• Адсутнасць добразычлівай увагі з боку дарослых.
• Рэзкае павышэнне агульнага рытму жыцця.
• Сацыяльна-эканамічная дэстабілізацыя.
• Алкагалізм і наркаманія сярод бацькоў.
• Жорсткае абыходжанне з падлеткам, псіхалагічнае, фізічнае і сэксуальнае насілле.
• Алкагалізм і наркаманія сярод падлеткаў.
• Няўпэўненасць у заўтрашнім дні.
• Адсутнасць маральна-этычных каштоўнасцяў.
• Страта сэнсу жыцця.
• Нізкая самаацэнка, цяжкасці ў самавызначэнні.
• Беднасць эмацыйнага і інтэлектуальнага жыцця.
• Безадказная закаханасць.
Што можа ўтрымаць падлетка ад неабдуманага ўчынку
• Усталюйце клапатлівыя ўзаемаадносіны з дзіцем.
• Будзьце ўважлівым слухачом.
• Будзьце шчырымі ў зносінах, спакойна і даходліва пытайцеся аб сітуацыі, якая трывожыць.
• Дапамажыце вызначыць крыніцу псіхічнага дыскамфорту.
• Усяляйце надзею, што ўсе праблемы можна вырашыць канструктыўна.
• Дапамажыце дзіцяці ўсвядоміць яго асобасныя рэсурсы.
• Акажыце падтрымку ў паспяховай рэалізацыі дзіцяці ў сучаснасці і дапамажыце вызначыць перспектыву на будучыню.
• Уважліва выслухайце падлетка!
Паважаныя бацькі! Заставайцеся для сваіх дзяцей апорай і падтрымкай, каб яны ў любой сітуацыі былі ўпэўненыя, што іх зразумеюць, ім дапамогуць і не пакінуць іх са сваімі цяжкасцямі.

Все новости

Комментарии:

Оставлять комментарии могут только авторизованные посетители.

Телефоны: 80159441159, 80159441153

Email: klaishibsh@voronoo.gov.by

Онлайн-журнал в Беларуси